Umuyobozi Wungirije wa Kaminuza y'u Rwanda ushinzwe Igenamigambi n'Iterambere rya Kaminuza, Dr Papias Malimba Musafiri yifatanyije n'abanyeshuri, abakozi ba UR-CE Kampisi ya Rukara n'abatumirwa mu bikorwa byo Kwibuka ku nshuro ya 28 Jenoside yakorewe Abatutsi. Ibi bikorwa byari bigizwe ahanini no Kumurika Ikimenyetso cy'Urwibutso cyashyizwe muri iyi kampisi n'ibiganiro byo Kwibuka.
Mu butumwa bwe, Dr Papias yagarutse ku ruhare abari abanyabwenge bari baraminuje muri kaminuza bagize mu gukwirakwiza ingengabitekerezo ya jenoside no mu itegurwa n'ishyirwa mu bikorwa bya Jenoside yakorewe Abatuti muri Mata 1994. Yibukije ko hejuru y'amasomo isanzwe itanga, UR ifite inshingano ikomeye yo gutegura umunyarwanda mwiza ufite indangagaciro z'ubumuntu ihereye ku rubyiruko ruyigana. Ubutumwa bwe bukubiye muri iyi videwo.
NTIRANDEKURA Schadrac
PRO, UR-CE
